Волгоград облысында Су-24 ұшағы апатқа ұшырады

Ресей қорғаныс министрлігі Волгоград облысында Су-24 ұшағы апатқа ұшырағанын мәлімдеді, - деп хабарлайды Arbat.media.

Ресей Қарулы күштерінің Су-24 тактикалық бомбалаушы ұшағы Волгоград облысында апатқа ұшырады, деп хабарлады РФ Қорғаныс министрлігі, ұшқыштардың тағдырын нақтыламай.

Ведомствоның хабарлауынша, ұшақ оқ-дәрісіз жоспарлы оқу-жаттығу рейсін орындап, қаңырап бос жатқан жерге құлаған.

Апат болған жерге құтқарушылары бар тікұшақ жіберілді.

Облыс әкімшілігі ұшақ құлаған кезде «жерде зардап шеккендер мен қираулар жоқ» деп хабарлады.