Шольц БҰҰ Қауіпсіздік кеңесінде Путинді қатты сынады

Олаф Шольц БҰҰ Қауіпсіздік кеңесінде Путинді Украинаға қарсы соғысы үшін қатты сынға алды, - деп хабарлайды Arbat.media.

  "Он мыңдаған жауынгерлер, сондай-ақ украиналық бейбіт тұрғындар қаза тапты. Сансыз көп украин балалары ұрланды. Ресей әскерлері өлтірді, зорлады және азаптады. Олар қалалар мен ауылдарды жермен-жексен етті", - деді Германия канцлері, Ресей әскерлерін Украинадан толық шығаруға шақырып.  

Германия үкіметінің басшысы БҰҰ Бас ассамблеясының ақпандағы сессиясының «Украинада жан-жақты, әділ және ұзақ бейбітшілік орнатуға» шақырған қарарын еске түсіріп, «бұл үндеу Ресейге бағытталған. Оған әлі жауап жоқ», - деді.

Бірақ Украинаның еркіне қайшы шарттармен бітімге келуге жол берілмейді, деді Шольц.