Севастополь: Қара теңіз флотының штабына шабуылдан ондаған әскер жаралануы мүмкін

Севастопольдегі Қара теңіз флотының штабына жасалған шабуылдан ондаған ресейлік әскери қызметкер жарақат алуы мүмкін, - деп хабарлайды Arbat.media.

Бұл туралы «Новая газета Европа» жергілікті офицерлердің біріне сілтеме жасап жазады.

Дегенмен әзірге нақты ақпарат жоқ, өртті сөндіру жалғасып жатыр.

Telegram 112 арнасы алты зардап шеккендер туралы жазды, ал Ресей Қорғаныс министрлігі бұған дейін бір әскердің жоғалғанын хабарлаған.

Зымыран сынықтары жүздеген метрге дейін шашырап тарап кетті, деп хабарлады оқиға орнынан ТАСС тілшісі.

Ал Ресей тағайындаған қаланың губернаторы Михаил Развожаев дүмпу толқынынан он тұрғын үйдің терезелері сынғанын хабарлады.

Сондай-ақ, қаланың орталық аумағындағы үйлерде газ бен жарық өшіріліп, су беру де шектелді.