Саясаттанушы: "Ереванның Мәскеу қолдауына деген үміті ақталмады"

Саясаттанушы Иван Преображенскийдің мәлімдеуінше, Ереванның Мәскеу қолдауына деген үміті ақталмады, - деп хабарлайды Arbat.media.

Баку Таулы Қарабақ аймағын түгелдей өз бақылауына қайтаруға жақын, деп жазады DW шолушысы Иван Преображенский.

Ол 2020 жылы Қарабақ үшін Әзірбайжанмен соғыста жеңіліске ұшырағаннан кейін Ресей Федерациясына жүктелген бітімгершілік миссиясын Ереван үшін қателік деп атады.

"Ол кезде армяндарға Ресеймен тарихи достыққа балама жоқ сияқты көрінетін. Бұл одақ, олардың айтуынша, Кремльдің мүддесіне сай болды. Бұл болжам қате болып шықты", - деп атап көрсетеді саясаттанушы. 

Оның айтуынша, "кеш түсінді". Бакудің Қарабақтағы жаңа әскери операциясынан бірнеше апта бұрын Ереванның Батысқа бет бұру әрекеті Әзірбайжанды енді тоқтата алмады».

Енді Қарабақ тізе бүккеннен кейін екі сұрақ қалды:

▪️Армян халқы түгелдей аймақты тастап кете ме, егер олай болмаса, қалғандардың қауіпсіздігін кім және қалай қамтамасыз етеді?
▪️Армян-әзірбайжан қақтығысы осымен бітті ме?

Әрине, Қарабақтағы жеңістен кейін де Баку мен Анкара Ереваннан Әзірбайжан мен Нахчыван Автономиялық Республикасы арасында көлік дәлізін құруды талап ете береді, бұл жаңа соғысқа себеп болуы мүмкін.
Оны кім тоқтата алатыны әлі белгісіз».