Ресей мен Түркия «астық мәмілесі» келісіміне келе алмады

Ресей мен Түркия «астық мәмілесін» жаңғырту туралы келісіміне келе алмады, – деп хабарлайды Arbat.media.

«Ресейдің ауылшаруашылық экспортына қатысты барлық келісім орындалса, біз астық келісімін қайта қалпына келтіру мүмкіндігін қарастыруға дайынбыз», - деді Владимир Путин Түркия президенті Режеп Тайып Ердоғанмен өткізілген келіссөздерден кейін, - деп жазады bbc.com.  

Путин Киевті "терактілер үшін гуманитарлық дәліздерді пайдаланды" деп тағы да айыптады.

Ресей басшысының айтуынша, Батыс Ресейді астық келісімінің гуманитарлық сипаты туралы алдап отыр, ал Ресей азық-түлік пен тыңайтқыштарды өз күшімен экспорттауды жалғастырады.

Ол Ресейдің Африканың алты елімен астық жеткізу бойынша келіссөздерді аяқтауға жақын екенін атап өтті.

Ресей 17 шілдеде азық-түлікті қауіпсіз экспорттау туралы «астық келісімінен» шығып, Украина порттарына шабуыл жасай бастады.

Түркия мен Ресей Федерациясы президенттерінің келіссөздері 4 қыркүйекте Сочиде өтіп, үш сағатқа жуық уақытқа созылды.