Қарабақ армяндарына армян тілін және діни сенім бостандығын қолдануға уәде берілді
Баку Қарабақ армяндарына армян тілін және діни сенім бостандығын қолдануға уәде берді, - деп хабарлайды Arbat.media.
Әзірбайжан, сондай-ақ, өз азаматтарының құқықтары мен бостандықтарын құрметтеуге және олардың қауіпсіздігін «этникалық, діни немесе тілдік қатыстылығына қарамастан» қамтамасыз етуге уәде береді.
Бұл туралы Әзірбайжан президенті әкімшілігінің Таулы Қарабақтың реинтеграциясына арналған мәлімдемесінде айтылған.
Әзірбайжан билігі Таулы Қарабақ тұрғындарын физикалық және әлеуметтік инфрақұрылыммен қамтамасыз етуді жоспарлап отырғанын мәлімдеді. Сондай-ақ салық жеңілдіктерін, кәсіпкерлерге жеңілдетілген несие және фермерлерді субсидиялауды қамтитын экономикалық ынталандыру пакетін қабылдайды.
Осы уақытта Брюссельде Еуроодақ армян диаспорасының өкілдері митинг өткізіп, ЕО-ны Таулы Қарабақ армяндарының құқықтарын сақтауды қамтамасыз етуге шақырды және оларға Әзірбайжан тарапынан қысым көрсетудің алдын алуын талап етуде.
Кейбір шерушілер Бакуге санкция салуды талап етті.
