Польша Украина астығының импортына салынған тыйымды ұзартпақшы

Польша украиндық астықтың импортына салынған тыйымды ұзартпақшы, - деп хабарлайды Arbat.media.

Еурокомиссияның алдағы шешіміне қарамастан, біз Украина астығына шекараны ашпаймыз, - делінген Польша үкіметінің мәлімдемесінде.

Бұған дейін ЕО Украинадан астық импорттауға енгізген шектеулердің мерзімі 15 қыркүйекте аяқталады.

Украина премьер-министрі Денис Шмихал бұл ұстанымды сынға алды.

Біз поляк халқы мен поляк отбасыларының қолдауын шынымен бағалаймыз! Бірақ сайлау алдында саяси популизм мүддесі үшін сауда заңдарын бұзған жағдайда, Украина өтемақы алу үшін ДСҰ арбитражына жүгінуге мәжбүр болады, - деді ол.