Нидерланды шенеунігі Ресейге қарсы санкцияны бұзды деген күдікке ілінді

Нидерландыда Қорғаныс министрлігінің қызметкері Ресей Федерациясына қарсы санкцияларды бұзды деген күдікке ілінді, - деп хабарлайды Arbat.media.

Нидерландының Қорғаныс министрлігінің 48 жастағы қызметкері Ресей Федерациясына қарсы санкцияларды айналып өтті деген күдікпен ұсталды, деп хабарлады Нидерландының қаржылық қылмыспен күрес басқармасы.

Ұсталған азамат ұшақ бөлшектерін үшінші елдер арқылы Ресейге сатқан деген болжам бар.

Ол жұмыстан шеттетіліп, уақытша ұстау изоляторына қамалды.

Тінту кезінде оның үйінен де оқ-дәрі тәркіленді, деп жазады голландиялық rtlnieuws басылымы.