Ирак үйлену тойында өрттен мерт болғандарға аза тұту жариялады

Ирак үйлену тойындағы өрт құрбандарына аза тұту жариялады, - деп хабарлайды Arbat.media.

Мосулдың Хамдание аймағындағы неке сарайында болған өрттен көптеген адам құрбан болғаннан кейін Ирак үш күндік қаралы күн жариялады.

Бұл туралы Ирактың ресми ақпарат агенттігі INA хабарлады.

Мұндай шешімді Ирак премьер-министрі Мұхаммед Шиа әл-Судани қабылдады.

Ирактың солтүстігіндегі Мосул қаласындағы үйлену тойы кезінде 100 адам қаза тауып, жараланғандар саны 500-ге жетті.

Өрттің шығуына отшашуды қолдану себеп болған.

Оқиға кезінде залда 800 адам болған.