Еуропарламент Лукашенконы тұтқындауға ордер беруге шақырды
Еуропарламент Халықаралық қылмыстық сотты Лукашенконы тұтқындауға ордер беруге шақырды, - деп хабарлайды Arbat.media.
Беларусь Республикасының билеушісі, атап айтқанда, Украинаның Ресей басып алған облыстарынан 2150-ден астам баланы Беларусьтегі сауықтыру лагерьлеріне мәжбүрлеп әкетуге қатысты,онда «олар орыстандыруға және идеологиялық насихатқа ұшырайды», - делінген ЕП қарарында.
Осыған байланысты ол Халықаралық қылмыстық сотты Беларусь билеушісін қамауға алу туралы ордер беруге шақырады, дәл сол сияқты халықаралық қылмыстық сот наурыз айында Путин мен Ресейдің балалар омбудсмені Мария Львова-Белованы қамауға алуға ордер берген болатын.
Қарар Лукашенко режимінің басқа да әрекеттерін айыптайды: ресейлік әскерлерді қару-жарақпен және әскери техникамен қамтамасыз ету, Ресей армиясы үшін құрамдас бөліктерді шығару, елге ресейлік әскерлерді орналастыру және оларды Беларусь нұсқаушыларының оқытуы. Сондай-ақ Украина шекарасына жақын жерде әскерлерді орналастырумен бірге Ресей агрессиясына қосылуы.
Сондықтан Лукашенко режимі Украинаға келтірілген қирау мен залал үшін жауапты, делінген құжатта.
Еуропарламент депутаттары Еуропалық Одақ институттары мен Еуроодақ мемлекеттерін «агрессия қылмыстарына, әскери қылмыстарға, адамзатқа қарсы қылмыстарға және Украинаға қарсы жасалған геноцид қылмыстарына қатысушы» Беларусь шенеуніктерін қылмыстық қудалауды қамтамасыз ету үшін барлық шараларды қабылдауға шақырды.
