Еркектік қуатын күшейтетін дәрі ішіп, жансақтау бөліміне түсті

Аудандық аурухананың дәрігерлері бір апта бойы ішімдік пен еркек қуатын күшейтетін препаратты аямай ішкен 52 жастағы ер адамды аман алып қалды, - деп хабарлайды Arbat.media.

Бұл туралы Мәскеу облысының денсаулық сақтау министрлігінің сайтында хабарланды.

Медициналық мекемеге ер адам ресейлік жедел жәрдем көлігімен ауыр халде түскен. Қан қысымы төмендеп, есінен танып қалған.

"Күйеу жігіт" үйлену тойын өткізіп, содан кейін эректильді функциясын жақсартатын препараттарды белсенді түрде қабылдап, онымен қоймай, спирттік ішімдік ішуге кіріскен. Бұл «демалысы» бір аптаға созылған.

Оған алкогольдік интоксикация, бауыры зақымданған және бүйрек жұмысы бұзылған деген диагноз қойылды.

Науқас жедел түрде жансақтау бөліміне жеткізіліп, көрсетілген бірқатар ем-домнан кейін ғана есін жиды.