Ақ үй: Ресей мен Солтүстік Корея қару-жарақ жеткізу мәселесін жасырын талқылап жатыр

Ақ үй Ресейдің Украинаға қарсы соғысында Пхеньяннан қолдау алғысы келетін белгілерін мәлімдеді, - деп хабарлайды Arbat.media.  

Ресей мен Солтүстік Корея Украинаға қарсы соғыста қолдану үшін қару-жарақ жеткізу туралы жасырын келіссөздер жүргізуде және талқылау «белсенді түрде алға жылжуда»», - деді Ақ үй жанындағы Ұлттық қауіпсіздік кеңесінің (ҰҚК) стратегиялық коммуникациялар жөніндегі үйлестірушісі Джон Кирби, 30 тамызда өткізген баспасөз мәслихатында, - деп жазады DW.

Шенеуніктің айтуынша, Ресей қорғаныс министрі Сергей Шойгу жақында Солтүстік Кореяға барып, Пхеньянды Ресейге артиллериялық оқ-дәрілер сатуға көндіруге тырысты.

Осыдан кейін Ресей президенті Владимир Путин мен Солтүстік Корея лидері Ким Чен Ын екіжақты ынтымақтастықты кеңейтуге уәде беріп хат алмасты, содан кейін ресейлік шенеуніктердің тағы бір тобы КХДР-ға аттанды, деді Кирби.

Делегацияның мақсаты — Мәскеу мен Пхеньян арасындағы қару-жарақ жеткізу саласындағы ықтимал келісімдерді талқылауға ықпал ету деп санайды. Келіссөздер нәтижесінде «Ресей әскерилері Украинада қолдануға ниетті оқ-дәрілердің бірнеше түрін айтарлықтай көлемде алуы керек», - деп ескертті Кирби.

Бұған қоса, Мәскеу Пхеньянмен қару-жарақ өндіру үшін шикізат сатып алу туралы келісімдер жасасуы мүмкін.