Анна Нетребкоға қарсы Германияда петиция жинауда

Опера әншісі Анна Нетребконың Берлинде сөйлеген сөзіне қарсы Германияда петиция жинап жатыр, - деп хабарлайды Arbat.media.  

Change.org веб-сайтында «Нетребконың Берлин мемлекеттік операсында өнер көрсетуіне жол жоқ» деген үндеу жазылған петиция жарияланды. Нетребко Берлинде Леди Макбет рөлін орындайды деп күтілуде.

«Біз бұл жоспарларға қатаң түрде наразылық білдіреміз және бұл рөлді басқа әртіске беруге шақырамыз», - делінген құжатта.

Петиция авторлары ресейлік әншінің «Кремльге жақындығын үнемі көрсетіп, Владимир Путиннің марапаттарын алғанын, онымен бірге суретке түскенін, сонымен қатар ресейшіл сепаратистердің бірі Олег Царевпен бірге суретке Новороссия туымен түскенін еске алды.

Нетребко «тек немқұраймен, қазіргі соғысқа қарсы екенін және оның аяқталатынына үміттенетінін айтты. Бірақ ол Ресей мен Владимир Путиннің жаулап алу соғысы үшін жауапкершілігі туралы бір ауыз сөз айтпады және оның әрекетін айыптаған жоқ», - делінген хабарламада.

Петицияға мың жарымға жуық адам қол қойған.