2024 жылы ЕО барлық визасыз елдерге электрондық рұқсат енгізеді. Не күтуге болады?
Еуроодақтың электронды виза енгізуінен не күтуге болатынын Еурокомиссияның ішкі істер жөніндегі өкілі Анитта Хиппер айтып берді, - деп хабарлайды Arbat.media.
2024 жылы ЕО барлық визасыз елдерге электронды саяхатқа рұқсат енгізсе, Украинадан келген босқындарға олар қажет бола ма және ЕО-ға шетелдік төлқұжатсыз кіру мүмкін бе, осы жайлы Еуропалық одақ өкілі Анитта Хиппер DW-ге берген сұхбатында баяндады.
2024 жылы ЕО барлық визасыз елдерге электронды саяхатқа рұқсаттарды енгізеді. Бұл Украина, Молдова, Грузия және ЕО-ға кіру режимі бар басқа мемлекет азаматтары үшін ережелер жеңілдетілмейді, керісінше, қатаңдай түседі деген сөз.
Еурокомиссияның ішкі істер жөніндегі өкілі Анитта Хиппердің айтуынша, өзгерістер шекарадан өту процесін жеңілдетіп, тездетеді. Өтініш беру және алдын ала тексеру арқылы жолаушылар ЕО-ға кіруге құқығы бар-жоғын сапар алдында біледі, дейді Хиппер:
Бұл шекарада бас тартуды азайтады және шекараны бақылау процедураларын жылдамдатады.
Дегенмен, Еуропалық саяхат туралы ақпарат және рұқсат беру жүйесі (ETIAS) енгізілген кезде де, ЕО-ға бару үшін қосымша тексеру талап етілмейтін өтпелі кезең болады.
Енгізілген барлық өзгерістер Украинадан келген босқындардың құқықтарына әсер етпеуі керек.
