Placeholder
Евразия16 марта 2023, 16:43

Чемпиондар лигасының ширек финалына шыққан клубтар белгілі болды

UEFA Чемпиондар лигасының ширек финалына шыққан командалар анықталды, деп хабарлайды Arbat.media.

Чемпиондар лигасының 1/8 финалында Испанияның «Реал Мадрид» клубы Англиядан келген «Ливерпульге" қарсы ойын өткізді. Бірінші ойында корольдік клуб қарсылас командадан 5:2 есебімен басым түскен болатын. 

Қарымта матчта "Реал" ойыншылары екінші таймда есеп ашты. Ойынның 79-шы минутында Кәрім Бензема Винисиус Жуниордың берген пасын қақпаға тоғытты. Осылайша "Реал" қарсыласын 1:0 есебімен тізе бүктіріп, келесі кезеңге жолдама алды. 

Италияның «Наполиі» өз алаңында германиялық "Айнтрахты" қабылдады. Бірінші ойында "Наполи" 2:0 есебімен басым түссе, екінші кездесуде 3:0 есебімен жеңіске жетті.

Бұған дейін чемпиондар лигасының аясындағы ойында "Манчестер Сити" (Англия), "Интер" (Италия), "Бавария" (Германия), "Милан" (Италия), "Бенфика" (Португалия) мен "Челси" (Англия) клубтары 1/4 финалға шыққан болатын. 

Енді ЧЛ аясындағы ширек финалдық ойындар сәуір айында, ал жартылай финалдық ойындар мамыр айының басына жоспарланған. Ал финалдық сын Стамбулда өтеді. 

Чемпиондар лигасы футбол Еуропа спорт

Новости по теме