Ақмола облысында жолда тұрған көлік жанып кетті

Ақмола облысында жол бойында тоқтаған автокөлік отқа оранды, деп хабарлайды Arbat.media.

ІІМ телеграм-арнасының жазуынша, төтенше жағдай Астанаа жақын маңда тіркелген. 

16 ақпан күні Астана-Петропавл республикалық тас жолының 195 шақырымында Honda Stream автокөлігінің жүргізушісі елорда бағытында жүріп келе жатып, капоттың астынан түтін шыққанын байқады, деп жазды ІІМ телеграм-арнасында. 

Оқиға барысында 40 жастағы жүргізуші көлік өртенгенге дейін сыртқа шығып үлгерген. Оқиға куәгері жедел түрде өрт сөндіру бригадасын шақырып, Макинск қаласының 8-құтқару өрт сөндіру бөлімінің күшімен тілсіз жау ауыздықталған. Оқыс жағдайдан ешкім зардап шекпеген.