Ақтөбеде бір жарым жасар бала құдыққа құлап, көз жұмды

Ақтөбе облысында аулада ойнап жүрген бала құдыққа құлап, көз жұмды, деп хабарлайды Arbat.media облыс полиция департаментіне сілтеме жасап.

Полиция департаменті қайғылы оқиға жеке үйдің аумағында болғанын хабарлады.

Жеке үйдегі баланың ата-анасы аумақты тазалауға шықты. Бір жарым жасар бала олармен бірге шығып, далада ойнады. Ол құдыққа құлады. Оқиғадан кейін ол ауруханаға жеткізіліп, ол қайтыс болды. Қылмыстық іс қозғалды, сараптама тағайындалды. Сараптама қорытындысы бойынша іс жүргізу шешімі қабылданады, –  деп толықтырды облыс полиция департаменті.

Оқиғаға қатысты денсаулық сақтау басқармасы да түсініктеме берді.

Бір жас  бес айлық бала жеткізілді. Ата-анасының айтуынша, бала кездейсоқ үш жарым метр тереңдікте ашық құдыққа құлаған. Ауруханаға түскен кезде баланың жағдайы өте ауыр болды. Бала бірден реанимация бөліміне жатқызылды, алғашқы көмекті кезекші бригада көрсетті. Бір сағат ішінде хирургиялық бөлімше меңгерушісі, хирургтар, реаниматологтар және аралас мамандар: нейрохирург, кеуде хирургы, кардиохирургтен тұратын консилиум ұйымдастырылды, – деді басқарма.

Олардың айтуынша, баланы аман алып қалу үшін балаға бірнеше ота жасалды. Жасалған емдеу шараларына қарамастан, 12 сәуірде бала жан тапсырды.