Шетелге кеткен ғалымдарды қайтаруға бағдарлама әзірленеді
Ғылым және жоғары білім министрлігі шет мемлекеттерге жұмыс істеуге кеткен отандық ғалымдарды елге қалай қайтаратынын айтты, - деп хабарлайды Arbat.media.
Кейінгі екі жылда қанша қазақстандық ғалым өзге мемлекеттерге жұмыс істеуге кеткенін сұрап, ресми сауал жолдаған едік, - деп жазады ҚазАқпарат.
«Ғалымдардың елден кетуі бойынша ақпарат қалыптастырылмайды. Қазақстанда жоғары білімді және ғылымды дамытудың 2023-2029 жылдарға арналған тұжырымдамасы аясында ғалымдарды елге қайтаруға бағытталған бағдарлама әзірлеу көзделген».
Министрлік шетелге тәжірбие жинақтауға кеткендер жайлы статистикамен бөлісті.
2021-2022 жылдары 416 ғалымға әлемнің жетекші орталықтарында тағылымдамадан өтуге гранттар берілді. Қазіргі таңда тағылымдамасын аяқтаған 257 ғалым елге оралды. Қалған ғылыми қызметкерлердің тағылымдама мерзімі аяқталмады.
