Павлодар облысында синтетикалық есірткі жеткізушілердің жолы кесілді
Павлодар облысының полицейлері синтетикалық есірткіні жеткізу арнасын анықтады, – деп хабарлайды Arbat.media.
Polisia.kz-тің жазуынша, Павлодар облысы ПД есірткі қылмысына қарсы іс-қимыл басқармасының қызметкерлері есірткінің ірі партиясын құпия белгі арқылы таратты деген күдікке ілінген өңірдің 22 жастағы тұрғынын анықтаған.
Полицияға облыс орталығының аумағында тыйым салынған заттарды өткізу жүзеге асырылып жатқаны туралы ақпарат келіп түскеннен кейін жедел-іздестіру іс-шаралары барысында күдіктінің жеке басы мен тұрғылықты мекенжайы белгілі болды. Күдікті қастандық жасау мақсатында бүркеншік есімді пайдаланып, ұсақ түйіршіктерге оралған есірткіні Павлодар аумағындағы жасырын орындарға орналастырған.
Арнайы іс-шараларды өткізу кезінде жас адамда ақ түсті ұнтақ заты бар 5 полимерлі байламы табылды. Тұрғылықты жері бойынша оның жалға алған пәтерінен полицейлер ұнтақты заты бар пакеттерді, сондай-ақ оларды орауға арналған заттарды тәркіледі.
Сараптама қорытындысы бойынша тәркіленген зат синтетикалық текті &-PvP психостимуляторы екені анықталды. Жалпы салмағы 1,4 келіден асады. Бұл аса ірі мөлшерге жатады. Осы факті бойынша Қазақстан Республикасы ҚК-нің 297-бабы 3-бөлігі бойынша сотқа дейінгі тергеу жүргізіліп жатыр. Күдіктіге қатысты қамауға алу түріндегі бұлтартпау шарасы тағайындалды. Бұл қылмысқа басқа адамдардың да қатысы бар екені анықталып жатыр, – деді Павлодар облысы ПД бастығының орынбасары Болат Нұрсейітов.
Қазақстан Республикасы Конституциясының 77-бабы 3-тармағының 1-тармақшасына, Қазақстан Республикасы ҚПК-нің 19-бабы 1-бөлігіне сәйкес, адам өзінің кінәсі соттың заңды күшіне енген үкімімен танылғанға дейін қылмыс жасағаны үшін кінәсіз деп есептеледі.
Бұған дейін Жамбыл облысында үй шатырында ірі көлемде есірткі жасырған тұрғын ұсталды. Өткен аптада Атырау облысында үйде есірткі өсірген тұрғынға қатысты сот үкімі шыққан еді. Сондай-ақ, Ақтауда көпқабатты үйде есірткі өсірген тұрғында ұсталған еді. Наурыз айының соңында Түркістан облысында есірткі өндейтін цех табылып, оның иелері қамауға алынды.
