Шымкентте адам өлтірген 29 жастағы тұрғынға халықаралық іздеу жарияланды

Шымкент қаласында 1994 жылы туған Тойшыбек Бағлан Нұрланұлына іздеу жарияланғаны белгілі болды, деп хабарлайды Arbat.media.

Күдікке ілінген Бағлан Тойшыбек 2021 жылы 24 қараша сағат 20:00 шамасында Күншығыс мөлтек ауданы №3 үй жанында жергілікті азаматты бірнеше рет пышақтап, ауыр дене жарақатын салып, оқиға орнынан ізін суытқан көрінеді. Қазір аталған дерек ҚР ҚК-нің 24-99-бабы 1-бабы “Кісі өлтіруге оқталу” бойынша тіркеліп, іздеу жарияланған.

Ер адам тергеу мен соттан бой тасалап тұрғылықты мекенжайынан көшіп кеткені анықталып отыр. Бұған дейін, 2021 жылы Бағлан Тойшыбекке қатысты екі рет іздеу жарияланған еді. Олардың бірі - халықаралық іздеу санатына енген. Өкінішке қарай, атқарылған жұмыстар өз нәтижесін бермей отыр.