Ресей қазақстандық мектеп түлектері үшін грант санын көбейтті

Ресей Федерациясы қазақстандық студенттерге бөлінетін гранттар санын 700-ге дейін көбейтті, деп хабарлайды Arbat.media.

Rambler-дің жазуынша, білім грантының жеңімпаздары ресейлік жоғары оқу орындарында ақысыз оқып, жатақханадан орын беріледі. Сонымен қоса, студент ретінде оларға шәкіртақы төленеді. 

2022 жылы Ресей қазақстандықтар үшін 500 грант бөлсе, биыл оның саны 700-ге дейін жетіп отыр.

Оқу тегін, оған қоса жатақхана беріледі, студенттердің қалай оқитынына қарамастан шәкіртақы төленеді. Тіпті, үшке оқитын студенттер әлі де шәкіртақы алады», - деді Россотрудничествоның Астанадағы өкілдігінің басшысы Ольга Филонова.

Қазіргі уақытта Ресейде 60 мыңнан астам қазақстандық студент білім алып жатыр.