Маңғыстаудағы "Адай" жылқысы жеке тұқым ретінде танылмақ

"Адай" қазақ жылқысы жеке тұқым ретінде танылатын болды, деп хабарлайды Arbat.media.

Бұл туралы Үкімет басшысы Сенат депутаттары сауалына берген жауабында айтты.

2024-2026 жылдарға арналған бағдарламалық-нысаналы қаржыландыру аясында жалпы қаржыландыру көлемі 3 жылға 682,5 млн теңгені құрайтын Адай «Қазақ жылқылары мен Қостанай тұқымының салт мініс қасиеттерін сақтау және жетілдіру» ғылыми-зерттеу бағдарламасын іске асыру қолдау тапты, - деді  Үкімет басшысы өз жауабында.

Оның мәліметі бойыгша, бұл бағдарламаны іске асыру нәтижесінде салт мініс бағытындағы жылқылардың жаңа селекциялық сипаттамаларын алу жоспарланып отыр. Бұл жылқыларды халықаралық аренаға шығаруға мүмкіндік бермек.

Селекциялық жетістіктерді қорғау туралы» Заңға және Еуразиялық экономикалық комиссия алқасының "Еуразиялық экономикалық одаққа мүше мемлекеттерде ауыл шаруашылығы жануарларының жаңа тұқымдарын, типтеріне, желілері мен кростарына сынақ жүргізуді тәртібін бекіту туралы" шешіміне сәйкес бағдарламаның нәтижелері бойынша (адай типіндегі жылқылардың селекциялық жетістіктері) Адай жылқысы тұқымын тану жүзеге асырылатын болады. Бұл құнды асыл тұқымды ресурстарды дұрыс пайдалануға серпін береді, - деді Әлихан Смайылов.