Клебановқа қатысты сот жабық режимде өтеді

Қазақстандық журналистерге жасалған шабуылдар бойынша қылмыстық тергеу жабық режимде өтеді, - деп хабарлайды Arbat.media.

Жәбірленушілердің өтініші бойынша А.Клебановқа қатысты сот отырысы жабық режимде өтеді.

Алматы сотының баспасөз қызметі:

20 қыркүйек күні Алматы қаласының кәмелетке толмағандардың істері жөніндегі мамандандырылған ауданаралық сотында А.Клебановқа медициналық сипаттағы мәжбүрлеу шараларын қолдану туралы тергеушінің қаулысын қарау бойынша кезекті сот отырысы өтті. Бірқатар жәбірленушіден сот отырыстарын жабық режимде өткізу туралы өтініш түсті.

Сот аталған тұлғалардың және олардың отбасы мүшелерінің жеке өміріне қатысты мәліметтерді жария етуге жол бермеу қажеттілігін ескере отырып, Қылмыстық іс жүргізу кодексінің 29-бабына сәйкес, аталған өтінішхатты қанағаттандырды.

Одан әрі сот отырысы жабық түрде өтеді.