Бес облысқа әкім болған Бердібек Сапарбаев қайтыс болды

Бүгін еліміздің бірнеше облысын басқарып, үкіметте ұзақ жылдар қызмет атқарған Бердібек Сапарбаев 70 жасында қайтыс болды, деп хабарлайды Arbat.media.

Тоқсаныншы жылдары басынан бері түрлі лауазымды қызметте болған Б.Сапарбаев еліміздегі бес облысты басқарған жалғыз шенеунік еді. Ол Қызылорда, Түркістан, Шығыс Қазақстан, Ақтөбе, Жамбыл облыстарының әкімі болды.

Сонымен қатар, екі рет еңбек және халықты әлеуметтік қорғау министрі, екі мәрте үкімет басшысының орынбасары қызметіне тағайындалған. 

Бердібек Мәшбекұлы 2022 жылдың сәуір айында Жамбыл облысы әкімі қызметінен босатылып, зейнет демалысына шыққан еді.