Алматы облысы аумағындағы қамыс алқабы өртеніп жатыр

Алматы облысындағы қамыс өртін сөндіру жұмыстары әлі жалғасып жатыр, деп хабарлайды Arbat.media.

Қазіргі уақытта өрт сөндірушілер Іле-Балқаш резерватындағы өрттің аумағын 120 га дейін азайтуға қол жеткізген.

Өртті сөндіруге 34 қызметкер, 3 техника, 1 жүзу құралы мен дрон жұмылдырылды. 26 маусымда қосымша 13 адам, 2 техника және 2 мотопомпасы бар 1 жүзу құралы жіберілді. Сондай-ақ, "Іле-Балқаш "РММ 25 адамы және 10 техникасы, орман шаруашылығының 8 адамы және 4 техникасы бекітілді, - деп жазылған ТЖМ таратқан ақпаратта. 

Бұған дейін Астанада маңындағы қураған қамыс өртеніп, көлемі 80 гектарға дейін жеткен еді. ТЖ қызметкерлері елорда маңындағы өртті батпақты жерде болғандықтан сөндіру барысында қиындықтарға тап болды.