Placeholder
Фото: Ақтөбе облысы әкімдігі
Қазақстан жаңалықтары31 наурыз 2024, 14:00

Тасқын: Аймақтарға 10 тоннадан аса гуманитарлық көмек жеткізді

Қарулы күштері Әуе қорғанысы күштері тікұшақтарының экипаждары жергілікті халықты құтқаруға, азық-түлік, жылы киімдер мен бірінші кезекте қажетті заттарды жеткізуді жалғастыруда, - деп хабарлайды Arbat.media.

Бұл туралы Kazinform агенттігі жариялады.

Құтқару жұмыстары Ақтөбе, Қостанай және Абай облыстарында жүргізіліп жатыр.

30 наурызда әскери ұшқыштар 38 мәрте ұшу жасады.

Жалпы ұшу 15 сағаттан астам уақытты құрады. Осы аралықта 222 адам эвакуацияланды.

Табиғи апат аудандарына салмағы мың келі апаттан құтқару мүлкі мен төтенше жағдайлар қызметінің 19 маманы жеткізілді.

Эвакуациялық пункттерге 10 тонна көлемінде гуманитарлық көмек жеткізіліп, түсірілді.

Әуе қорғанысы күштерінің жеке құрамы тәулік бойы экстремалды жағдайда жұмыс істеуде.

Қазіргі уақытта құтқару шараларына 7 тікұшақ жұмылдырылған.

Тасқын аймақтар гуманитарлық көмек

Көп оқылғандар:

Тақырыпқа жаңалықтар