Placeholder
ФОТО: alternativakz.com
Қазақстан жаңалықтары2 ақпан 2024, 17:00

Шымкентте қыз алып қашқан жігіт 12 жылға сотталуы мүмкін

Шымкентте қызды алып  қашу дерегі бойынша ер адам ұсталды, - деп хабарлайды Arbat.media.

Бұл туралы Egemen.kz жазады.

Шымкент прокуратурасының мәліметінше, 2024 жылдың 16 қаңтарында қаладағы полицияның кезекші бөліміне М.А. есімді азаматша қызын үйлену мақсатында белгісіз ер азаматтың ұрлап кеткені туралы хабарлаған.

«Аталған факт бойынша Қазақстан Республикасының қылмыстық кодекснің 125-бабы 2-бөлігі 1) тармағының негізінде («Адамды ұрлау») соталды тергеп-тексеру басталды. Іс барысында Маңғыстау облысының Г. есімді тұрғыны ұсталып, екі айға қамауға алынды. Тергеп-тексеру кезінде барлық мән-жай анықталады», делінген Шымкент прокуратурасының хабарламасында.

Мұндай қылмысты жасағаны үшін кінәлілердің мүлкі тәркіленіп, оларға қатысты жетi жылдан он екi жылға дейiнгi мерзiмге бас бостандығынан айыру жазасы қолданылуы мүмкін.

«Қазақстан Республикасы Қылмыстық процестік кодексінің 201-бабының талаптарына сәйкес басқа ақпарат жарияланбайды», деді прокуратураның баспасөз қызметі.

Шымкент Қыз алып қашу \сотталу

Тақырыпқа жаңалықтар