Placeholder
Фото: Pexels
Қазақстан жаңалықтары7 ақпан 2024, 10:23

Қонаев әкімдігі 1 млн теңгеге жуық қаржыға екі кресло сатып алған

Қонаев қаласының әкімдігі 1 млн теңгеге жуық қаражатқа екі кресло сатып алған, - деп хабарлайды Arbat.media.

Бұл ақпарат әлеуметтік желіде тарады.

Желіде тараған мәлімет бойынша Қонаев қаласының әкімдігі 2023 жылдың 11 желтоқсан күні құпия түрде 1 млн теңгеге жуық қаржыға екі кресло сатып алған.

Сондай-ақ, белгісіз себептермен әкімдік қызметкерлері қымбат креслоларды жергілікті БАҚ өкілдеріне көрсетпеген.

Осыған байланысты Kazinform тілшісі Қонаев қаласы әкімдігіне сауал жолдады.

Әкімдіктің баспасөз қызметі аталған мәселе бойынша Қонаев қаласы әкімінің аппарат басшысына қатысты қызметтік тексеріс басталғанын жеткізді.

«Креслолар қай мекемеге берілгені анықталып жатыр. Жиһаз қала әкімінің келісімінсіз алынған», - деп хабарлады Қонаев қаласы әкімдігінің баспасөз қызметі.

Қонаев әкімдігі миллион кресло

Тақырыпқа жаңалықтар