Placeholder
Фото: arasha.kz
Қазақстан жаңалықтары8 ақпан 2024, 13:00

Қайрат Сатыбалды ісі: Антикор 44,6 млрд теңге қаражатты қайтарды

Сыбайлас жемқорлыққа қарсы қызмет Қайрат Сатыбалдыұлына қатысты қылмыстық істерді тергеу шеңберінде мемлекетке 2024 жылдың басынан бастап қосымша 44,6 млрд теңге қайтарды, - деп хабарлайды Arbat.media.

Бұл туралы Kazinform агенттігі жазады. 

Антикор төрағасы Асхат Жұмағали Ел Президенті Қ. Тоқаевтың Үкіметтің кеңейтілген отырысында айтылған тапсырмаларын іске асыру бойынша құрылымдық және аумақтық департамент басшыларымен жедел кеңес өткізді.

Мемлекет басшысы атап өткендей, заңсыз шығарылған активтерді қайтару инвестициялардың тағы бір көзі болуы тиіс.Сыбайлас жемқорлыққа қарсы қызмет Қайрат Сатыбалдыұлына қатысты қылмыстық істерді тергеу шеңберінде мемлекетке 2024 жылдың басынан бастап қосымша 44,6 млрд теңге қайтарылды.

Қазіргі уақытта қаражат мемлекетке келтірілген залалды өтеу есебінен республикалық бюджетке жіберілді.Сонымен қатар, Президент экономикаға жаңа серпін беру үшін кәсіпкерлермен және инвесторлармен толыққанды серіктестік құру қажеттігіне назар аударды.

Бір жыл бұрын Антикормен бизнесті қорғау жұмысы аясында «Бизнеске жол» жобасы іске қосылды.Ол жергілікті жерлерде кәсіпкерліктің дамуына кедергі келтіретін жүйелі әкімшілік кедергілерді жоюға арналған.Жоба іске қосылған сәттен бастап 600-ден астам проблемалық кейс шешіліп, 30 мыңға жуық кәсіпкерге көмек көрсетілді.

Сондай-ақ, Президент Қасым-Жомарт Тоқаев өз сөзінде жемқорлық әлі де экономиканың дамуын тежейтін факторлардың бірі болып қала беретінін атап өтті.

Бұл бағытта цифрлық технологияларды, оның ішінде «ақшаны бояу» және «цифрлық теңгені» қолдану тетіктерін одан әрі енгізу маңызды болып табылады.Мемлекет басшысының тапсырмасына сәйкес және сыбайлас жемқорлыққа қарсы саясат Тұжырымдамасын іске асыру шеңберінде Агенттік Қаржы министрлігімен және Ұлттық Банкпен бірлесіп осы құралдарды енгізуді жалғастырады.

Қазіргі уақытта «ақшаны бояуды» пилоттық енгізу үшін автожолдар салу, ауыл шаруашылығы техникасы мен жабдықтарын сатып алу, сондай-ақ Әлеуметтік-кәсіпкерлік корпорациялардың қаражатын пайдалану салалары айқындалған.

Антикор басшысының айтуынша, Президент тапсырмасына сәйкес, бұл процесс нысандардың құрылыс саласына да таралатын болады.А. Жұмағали: «бюджеттен бөлінген қаржы түпкі мақсатына жетуі керек.

Біздің сүйемелдеуіміздегі құрылыстары ұзаққа созылған нысандардың уақтылы берілмей, сапасыз салынуы көбіне ақшаны жымқыру немесе шенеуніктерге одан әрі кері қайтару салдарымен және басқа да құқықбұзушылықтармен байланысты екенін бәріміз білеміз. Цифрлық теңге құрал ретінде «ақшаны бояу» институтын іске асыруға септігін тигізеді. Цифрлық теңгенің алгоритмдері болғандықтан, өзінің іздері бар. Мысалы, қаражат жалақыға бөлінсе, басқа бағытқа кетпей, еңбекақы, тауарлар мен қызметтерді сатып алу және салық төлеу бойынша игеріледі.Бөлінген қаржы қозғалысының рәсімдері ашық болып, барлық аударым өз мақсатына жетіп, әр теңге көзделген мақсатына жұмсалуы тиіс», - деді.

Қайрат Сатыбалды Антикор Қылмыстық іс

Тақырыпқа жаңалықтар