Placeholder
Фото: Pexels
Қазақстан жаңалықтары28 қаңтар 2024, 11:00

Кәмелетке толмаған жасөспірім өзіне қол салды

Атырау облысында кәмелетке толмағандар құқығын қорғайтын 11 комиссия бар. Былтыр бұл комиссияларда 1 624 мәселе қаралған, - деп хабарлайды Arbat.media.

Облыстық білім басқармасының басшысы Ерлан Сламбековтің айтуынша, жасөспірімдердің сабақтан тыс кезде құқық бұзушылық жасайтыны анықталып отыр.

«Биыл Жылыой ауданында кәмелет жасына толмағандар арасында бір суицид пен 2 құқық бұзушылық тіркелді. Осыған байланысты басқарма мамандарының аталған аудандағы № 8, 9 және 18 орта мектептегі тәрбие жұмысын зерделеуі кезінде бірқатар кемшілік анықталды. Білім ордаларында нормативтік-құқықтық құжаттамалар талапқа сай жасақтамаған. Сынып жетекшілерінің, психологтар мен әлеуметтік педагогтердің, тәлімгерлердің кәмелетке толмағандардың құқығын қорғауға байланысты бір де бір отырыс жоспарланбаған. Жасөспірімдердің құқығын қорғау және құқық бұзушылықтың алдын алу жұмыстарының мониторингісі шығарылмаған. Өткен екі оқу тоқсанында құқық бұзушылықтың алдын алу бойынша бір де бір сынып сағаты өтпеген», -дейді Ерлан Сламбеков.

Облыстық полиция департаменті бастығының бірінші орынбасары Әбдіғани Сейдуалиевтің мәліметінше, жыл басынан бері жасөспірімдердің қатысуымен жасалған қылмыс саны 6,4%-ға төмендеген.

Қылмыстың басым бөлігін 18 жасқа толмаған жасөспірімдер жасаған. 

Атырау облысы Жасөспірім суицид

Тақырыпқа жаңалықтар