Placeholder
Фото: Ақмола облысы ішкі саясат басқармасы
Қазақстан жаңалықтары13 сәуір 2024, 10:00

Ақмоланың тағы бір ауданында төтенше жағдай жарияланды

Ақмола облысының Бұланды ауданында бүгін 12 сәуір сағат 18:00-ден бастап төтенше жағдай жарияланды. Аудан әкімі Ардақ Смайылов су тасқынына байланысты жасаған үндеуінде өңірде төтенше жағдай жарияланғанын, сондай-ақ, табиғи апаттан келтірілген залалды жоюмен және азайтумен айналысатын комиссия құрылғанын атап өтті, - деп хабарлайды Arbat.media.

«Бүгінгі таңда зардап шеккен адамдарға материалдық көмек көрсету үшін барлық үйлерді комиссия тексеріп, келген шығын көлемін есептейтін болады», — деді аудан әкімі Ардақ Смайылов.

Айтуынша, ауданда су тасқынын алдын алу үшін ауқымды жұмыс жүргізілген.

Қауіп төнген ауылдар азық-түлікпен, дәрі-дәрмекпен қамтамасыз етілді.

Зардап шеккендерге көмек көрсету бойынша жедел іс-шараларды өткізуге жергілікті атқарушы органдардың, сондай-ақ өңір ТЖД күш-құралдары тартылды.

Су басқан үйлердегі барлық тұрғындар эвакуацияланды.

Бұланды Тасқын Төтенше жағдай Ақмола облысы

Тақырыпқа жаңалықтар