Placeholder
НИКОЛАЙ, ЕЛЕНА ШАПОШНИКОВТАР. ФОТО: THE INSIDER
Әлем30 сәуір 2024, 1:08

The Insider: Еуропадағы жарылыс, улануға қатысқан ресейлік тыңшылардың аты-жөні белгілі болды

Еуропадағы жарылыстар мен улануларға қатысқан ресейлік тыңшылардың аты-жөні белгілі болды. Оқ-дәрі қоймаларындағы жарылыстар мен Ресей Федерациясы ұнатпайтын саяси қайраткерлерді уландыруды ГРУ-дың 29155 әскери бөлімі жүзеге асырды және оларды Чехия азаматтары - Елена мен Михаил Шапошниковтар ұйымдастырды, деп жазады The Insider, - деп хабарлайды Arbat.media.

Чех полициясы 2014 жылы ГРУ агенттері Анатолий Чепига мен Александр Мишкинге («Руслан Табаров» және «Николай Попа») Врбетицадағы оқ-дәрі қоймаларында жарылыс жасауға көмектескен Шапошниковтар деп санайды.

Журналистер Елена Шапошникованы ресейлік төлқұжатпен, атап айтқанда оның сериясы бойынша анықтады - ол ГРУ 29155 әскери бөлімі пайдаланатын нөмірлер қатарында болды.

Шапошникова өз әрекеттерін аталған әскери барлау бөлімшесінің бастығы генерал Андрей Аверьяновпен үйлестірді.

Шапошниковтар Еуропадан GRU үшін әскери жеткізілім туралы мәлімет жинады. Мысалы, Вьетнамға понтон көпірлері мен жүк көліктерін жеткізу туралы.

Ерлі-зайыптылар диверсияны - Чехия мен Болгариядағы оқ-дәрі қоймаларының жарылыстарын, сондай-ақ болгар қару-жарақ сатушысы Емельян Гебревтің улануын үйлестірген.

Елена мен Михаил Шапошниковтар Еуропадағы жарылыс, улану ресейлік тыңшылар

Тақырыпқа жаңалықтар