Placeholder
Скриншот: Медиазона
Әлем20 ақпан 2024, 3:39

Mediazona Навальныйдың мәйітін тасымалдауы мүмкін кортежді анықтады.

Mediazona бақылау камераларын пайдалана отырып, Алексей Навальныйдың мәйітін тасымалдауы мүмкін Федералдық қылмыстық атқару қызметінің кортежін анықтады, - деп хабарлайды Arbat.media.

Саясаткердің мәйітін туыстарына қайтаруға 46 мыңнан астам адам қол қойды. 

Mediazona журналистері Лабытнанги мен Салехард өткеліндегі қоғамдық бақылау камераларының бейнелерін зерттеді. 

Бұл Харптағы колониядан аудан орталығына жетуге болатын жалғыз құрлық жолы.

Журналистер анықтағандай, ақпанның 16-нан 17-не қараған түні екі жол полициясы көлігі, азаматтық нөмірі бар сұр седан және әдетте FSIN көліктерін белгілейтін екі жасыл жолағы бар шағын автобусы бар автоколонна Салехарқа қарай келе жатқан. 

Журналистер атап өткендей, көлік легі басқа көліктерге қарағанда айтарлықтай баяу қозғалды.

Өткен күндері өткелде мұндай көлік легі болмаған.

Mediazona саясаткер Алексей Навальныйдың денесін дәл осы кортеж тасымалдаған деп есептейді.

Қазіргі оның денесін туыстарына беруді талап етіп, Тергеу комитетіне 46 мыңнан астам адам қол қойған.

«Новая газетаның» биліктен Харптағы колония қызметкерлерінің бейнежазбасын ұсыну туралы өтінішіне тағы 20 мыңға жуық адам қосылды.

Навальныйдың мәйіті Федералдық қылмыстық атқару қызметі Кортеж Салехард

Тақырыпқа жаңалықтар