Газа секторының оңтүстігіне 20 мыңға жуық адам қашып жатыр - БҰҰ

БҰҰ мәліметінше, Газа секторының оңтүстігіне 20 мыңға жуық адам қашып жатыр, - деп хабарлайды Arbat.media.

БҰҰ-ның жергілікті бақылаушылары Газа секторының солтүстігінен оңтүстікке қарай адамдар жаппай қашып жатыр деп есептейді.

Газа секторының оңтүстігіндегі бақылау-өткізу бекетіне адамдардың көпшілігі есек арбалар мен автобустармен, ал кейбіреулері жаяу келген.

Израиль әскерилері бірнеше апта бойы бейбіт тұрғындарды Газа қаласы мен оқшауланған жағалау аймағының солтүстік бөлігін тастап кетуге шақырды.

Израильдің мәлімдеуінше, Хамас ауруханалар, мектептер мен тұрғын үйлерде командалық орталықтар мен зымырандық базалар құрып жатыр.

Түркия бүгін Газа секторынан медициналық көмекке мұқтаж жүзден астам босқынның келуін күтуде, деп хабарлады Сыртқы істер министрлігінің Анкарадағы өкілі.

Түркияның денсаулық сақтау министрі Газа секторынан 1000-ға жуық қатерлі ісікпен ауыратын науқастардың көбін Түркияға әкелуге үміттенетінін айтты.