Құрбан айтқа орай Астанада мал соятын жерлер бекітілді

Астана қаласында қасиетті Құрбан айт мерекесінде құрбан шалынатын орындар анықталды, деп хабарлайды Arbat.media.

Бұл туралы Астана қаласының дін істері басқармасы мәлімдеді. Биыл Құрбан айт мерекесі 28-30 маусым күндері аралығында болады. Еліміздің мұсылмандары діни басқармасының ақпаратына сәйкес қала мешіттерінде 28 маусым күні сағат 6.00-де Айт намазы оқылмақ.

Сондай-ақ, Астана қаласында бекітілген орындарда 8.00-ден 18.00-ге дейін құрбан шалуға болатыны айтылды. 

Оның ішінде «Ұлжан» әмбебап базары (Сарыарқа ауданы, Н. Тілендиев көшесі, 24), "Жайлау" базары (Байқоңыр ауданы, Алаш тасжолы, С-313 көшесі),  «Шанхай» базары (Байқоңыр ауданы, Алаш тасжолы, 34/6), «Шопан ата» базары (Байқоңыр ауданы), «Баракат» базары (Байқоңыр ауданы, А-369 көшесі, №10 ғимарат). 

Құрбандыққа сойылған ет түгелдей әлеуметтік көмекке мұқтаж отбасыларға таратылады. 

Сондай-ақ,құрбан айт күндері халыққа құрбан шалу және тағы басқа өзекті мәселелер бойынша ақыл-кеңес беретін 109 сall орталығы тәулік бойы жұмыс жасайтыны айтылды.