Мемлекеттік күзет қызметі Назарбаевтың қауіпсіздігіне жауап бермейді
Президенттің ҚР Мемлекеттік күзет қызметі туралы ережені бекіту туралы жарлығына өзгеріс енгізіледі, деп хабарлайды Arbat.media.
Мемлекеттік күзет қызметінің басты міндететрі қатарынан ҚР тұңғыш президенті - елбасының қауіпсіздігін қамтамасыз ету міндеті алынып тасталатын болды. Бұл туралы мәлімет Ашық НҚА порталында жарияланды.
Міндеттері - Қазақстан Республикасы Президентінің және басқа да күзетілетін адамдардың қауіпсіздігін қамтамасыз ету, - деп жазылған жаңа редакцияда.
Құжатқа қосымша берілген түсіндірмеде МКҚ-ден Нұрсұлтан Назарбаевтың қауіпсіздігін қамтамасыз ету міндеті «ҚР Тұңғыш Президенті – Елбасы туралы ҚР Конституциялық заңының күші жойылуына байланысты алынып тасталып отырғаны көрсетіліп отыр.
Сондай-ақ, аталған Жарлық жобасы 14 маусымға дейін көпшілік талқыланбақ. Содан кейін қол қою үшін Президентке жолданатын болады.