Елімізге рулі оң жақтағы көлік әкелуге тыйым салынады

Қазақстан Республикасының аумағына рулі оң жақта орналасқан жеңіл көлік әкелуге алты ай мерзімге тыйым салу енгізіледі, - деп хабарлайды Arbat.media.

«Қазақстан Республикасының аумағына оң жақта орналасқан рулі басқарылатын жеңіл автомобиль әкелуге алты ай мерзімге тыйым салу енгізілсін», - делінген Ашық НҚА порталында жарияланған индустрия және инфрақұрылымдық даму министрінің бұйрық-жобасында.

Аталмыш бұйрық-жобаның, яғни шектеудің орындалуын бақылау қаржы министрлігінің мемлекеттік кірістер комитеті мен Ұлттық қауіпсіздік комитетінің шекара қызметіне жүктеледі.

Бұл құжат 13 қыркүйекке дейін талқыланады.