Азиада: Ерлер құрамасы нысана көздеуден күміс медаль алды

Азия ойындарында Қазақстан ерлер құрамасы нысана көздеуден күміс медаль алды, - деп хабарлайды Arbat.media. 

Құрамында Бақтияр Ибраев, Андрей Худяков және Асадбек Назиркулиев бар қазақстандықтар 10 метрден жылжымалы нысанға оқ атудан екінші орынға көтерілді.

Спортшыларымыз индонезиялықтардың алдын орап кеткенімен, соңғы сында оңтүстіккореялықтарға есе жіберді.

Азиадада бізде әзірге жеті медаль түссе, соның екеуі – күміс, бесеуі – қола.

Дзюдо құрамасынан Аруна Жангелдина, Кәмила Берліқаш және Нұрлыхан Шархан қола жүлде үшін бәсекеге түседі. Биылғы Азиададан қазақстандық дзюдошылар алтынсыз қайтатын болды.