Азиада: Боксшы Махмуд Сабырхан 1/8 финалға жолдама алды

Азия ойындарында боксшы Махмуд Сабырхан келесі кезеңге өтті, - деп хабарлайды Arbat.media.

Ол 57 келіге дейінгі салмақта 1/16 финалда оңтүстіккореялық Ичань Лимен шыққан.

Махмуд Сабырхан Ташкенттегі  әлем біріншілігінде үздік шыққан болатын. 

Бірінші раундта бес төрешінің төртеуі басымдықты Махмудқа берді. Екіншісінде ол қарсыласын нокдаунға жіберді. Үшінші раундта да жақсы нәтиже көрсетті – 5:0.

Махмуд Сабырхан 1/8 финалға жолдама алды. Ол жартылай финалға шығу үшін солтүстіккореялық боксшымен таласады.