Жеңіл атлет Аян Молдағалиев 22 жасында бақилық болды
Спорттық гимнастикадан ел құрамасының мүшесі Аян Молдағалиев 22 жасында қайтыс болды, деп хабарлайды Arbat.media.
Жеңіл атлет 6 маусымда өмірден озды Қостанай облысының спорт басқармасынан мәлімдеуінше, марқұм тірі күнінде спорт мансабында айтарлықтай жетістіктерге жеткен.
Спорт гимнастикасындағы даңғыл жолын 2007 жылы бастаған ол талай жарыстарға қатысып, Қазақстан Республикасының бірнеше дүркін чемпионы атанды. Халықаралық турнирлерде де жеңіске жетіп, жоғары кәсіби деңгейін көрсете білді.
2018 жылы Индонезияда өткен жастар арасындағы Азия чемпионатында қола жүлдегер атанған. Сол жылы Аргентинада өткен жасөспірімдер арасындағы Олимпиада ойындарына қатысып қайтты.
Оның осы беделді іс-шараларға қатысуы - тамаша спорттық шеберлігі мен гимнастикаға берілгендігінің айғағы. Аян Қазақстан ұлттық құрамасының да мүшесі болды. Оның таланты, еңбекқорлығы мен спортқа деген адалдығы Қазақстанның көркем гимнастика тарихында өшпес із қалдырады. Оның есімі және жетістіктері оны көрнекті спортшы және спортқа берілгендіктің үлгісі ретінде білетін және құрметтейтіндердің жүрегінде мәңгі сақталсын. Аянның отбасына, достарына және барша жанкүйерлеріне қайғырып көңіл айтамыз, - деп жазылған облыстық басқарманың мәліметінде.