Юлия Путинцева Ролан Гаррос турнирінің үшінші айналымына шықты

Францияның ашық чемпионатында қазақстандық теннисші Юлия Путинцева қытай спортшынан басым түсіп, үшінші кезеңге өтті, деп хабарлайды Arbat.media.

Қазақстандық теннисші екінші айналымда әлемнің 19-ракеткасы, қытайлық Чжэн Циньвэньмен шеберлік байқасқан болатын. 

Бірінші партияда Юлия Путинцева 6:3 есебімен басым түсті. Екіншісінде қытайлық спортшы есе қайырды - 6:4. Үшінші, шешуші сетте Юлия бірден алға кетті - 2:0. Ақыры сол қарқынын төмендеткен жоқ - 6:2.

Путинцева төртінші айналымға шығу үшін әлемнің 30-ракеткасы, америкалық Слоан Стивенспен ойнайды. 

Бұған дейін тағы бір қазақстандық теннисші Елена Рыбакина алғашқы қарсыласын жеңіп, екінші кезеңге өткен болатын.