Тоқаев Мәжіліс пен мәслихаттар сайлауы өтетін күнді белгіледі

Қасым-Жомарт Тоқаев өзінің Жарлығына сәйкес жетінші шақырылымдағы Мәжілісті таратып, Парламенттің төменгі палатасы депутаттарын кезектен тыс сайлау күнін белгіледі, деп хабарлайды Arbat.media.

Сайлау 2023 жылдың 19 наурызында өтеді. 2023 жылдың көктемінде парламенттік сайлауды және барлық деңгейдегі мәслихаттарға сайлауды өткізуге республикалық бюджетте 33,4 миллиард теңге қарастырылады. 

Қазір Мәжіліс депутаттарының 70%-ы партиялық тізімбойынша, ал қалған 30%-ы бір мандатты округтер бойынша сайланбақ.

Тоқаев конституциялық реформаны іске асыру үшін саяси партияларды тіркеу рәсімі едәуір жеңілдетілгенін атады. 

Тіркеу шегі төрт есеге қысқарып, 20-дан 5 мың мүшеге дейін төмендетілді. Партиялардың өңірлік өкілдіктерінің ең аз саны 600-ден 200 адамға дейін  қысқарды.

Партиялардың Мәжіліске өтуі үшін жолақ 7-ден 5% - ға дейін төмендейді.