Қызылордадағы караоке клубы отқа отқа оранды

Қызылордада қала ішіндегі караоке клубының бірі өртеніп кетті, деп хабарлайды Arbat.media.

Көңіл көтеретін орындағы өрт бүгін таңғы сағат 04:04 кезінде шыққан. Ғ. Мұратбаев көшесі №77 мекенжайда орналасқан караоке клубының жанып жатқаны жөнінде өрт сөндіру бөліміне хабарлама келіп түскен бетте, төтенше жағдайлар қызметінің өкілдері бірден барған.

Шақырту бойынша өрт сөндіру қызметінен 8 техника 38 қызметкер жұмылдырылды. Өрт сөндіру бөлімінің мамандары көлемі 425 шаршы метр болатын бір қабатты караоке клубы толық жанып жатқаны анықтады. Өрт сөндірушілер караоке клубтың жапсарлас салынған жаздық тамақтану орны, жобалау құрылыс мекемесі тұрған ғимараттарға таралуына жол берген жоқ. Өрт 05:22-де оқшауланып, 05:34-те толық жойылды. Қаза болғандар, жарақат алғандар жоқ. Өрттің шығу себебі мен шығыны анықталуда, - облыстық ТЖД-нің мамандары. 

Департаменттің дерегі болйынша оқиға орнында Өрт сөндіру қызметінен 38 қызметкер мен 8 техника барған. Бұдан бөлек, апаттар медициналық орталығы, Полиция департаменті , электр торабы мекемелерінен мамандар да келген.