Қошанов Астанада митинг ұйымдастырған мұнайшылардың артында біреу тұр деп есептейді

Қазақстан Республикасы Парламенті Мәжілісінің төрағасы Ерлан Қошанов мұнайшылардың наразылық шарасын ұйымдастырған адам бар екенін жоққа шығармады, деп хабарлайды Arbat.media.

Бұл іспен құқық қорғау органдарының айналысып жатқанына назар аударған мәжіліс төрағасы "барлығы да мүмкін" деп ойлайды.

Мұның артында кім тұр? Кім мұны ұйымдастырды? Және сол жерде өткен тендер дұрыс өтті ме, дұрыс өтпеді ме соны да анықтау керек, - дейді Қошанов.

Еске сала кетейік, Елордаға келген маңғыстаулық мұнайшылар "Өзенмұнайгазға" орналасуды талап еткендері туралы жазғанбыз.