Президент таяуда активтерді қайтару жөнінде заң қабылданатынын айтты

Мемлекет басшысы активтерді қайтару кезінде мемлекет пен бизнестің мүддесі арасындағы теңгерімді сақтау маңызды екенін айтты, - деп хабарлайды Arbat.media.

Қасым-Жомарт Тоқаев мұны саладағы басым міндеттердің екіншісі ретінде атады.

«Бұл – қазір кәсіпкерлер арасында қызу талқыланып жатқан тақырыптардың бірі. Одан хабардармын. Ол жөнінде бөлек ақылдасайық. Таяуда активтерді қайтару жөнінде заң қабылданды. Бұл заң активтерді қайтару шараларын бір мақсатқа жұмылдыруға бағытталған, яғни, мұны қоғамдық келісім актісі десе де болады. Түптеп келгенде, бұл шара экономикамызды сауықтырып, әлеуметтік жікке бөлінушілік пен адамдардың арасындағы алшақтықтың алдын алуға тиіс», - деді ол.

Президенттің сөзінше, адал бизнеске, шетелдік және отандық инвесторларға бұдан қауіптенудің еш реті жоқ.