Нұрлан Әлтаев Абылай Мырзахметовтен ірі мөлшерде пара алған - Антикор
Екі күн қамауға алынған Нұрлан Әлтаев «Атамекен» Ұлттық Кәсіпкерлер палатасының Басқарма төрағасы А.И. Мырзахметовтен пара алды деген күдікке ілінген белгілі болды, деп хабарлайды Arbat.media.
Ол Еңбек және әлеуметтік қорғау вице-министрі, кейіннен ҚР Парламенті Мәжілісінің депутаты ретінде жүйелі негізде «Атамекен» Ұлттық Кәсіпкерлер палатасының Басқарма төрағасы А.И. Мырзахметовтен аса ірі мөлшерде пара алды деп айыпталуда.
2018-2020 жылдар кезеңінде жауапты мемлекеттік лауазымдарды атқара отырып, ол Абылай Мырзахметовтың мүддесі үшін әрекет етіп, оның ұйымына мемлекеттік тапсырыстарды алуына ықпал етіп, жалпы қамқоршылық көрсеткен.
Нұрлан Әлтаев Астана қаласы полиция департаментінің уақытша ұстау изоляторына қамалды. Қазіргі уақытта тергеу жалғасуда.