Маңғыстау облысында мүгедек жандардың құқықтары бұзылған
Маңғыстау өңірінде Бас прокуратураның араласуынан кейін мүмкіндігі шектеулі 3 258 адамды оңалтудың жеке бағдарламасымен қамтамасыз ету бойынша тиісті шаралар қолданбау фактілері анықталды, деп хабарлайды Arbat.media Бас прокуратураға сілтеме жасап.
Маңғыстау облысының прокуратурасымен мүмкіндігі шектеулі жандарға мемлекет кепілдік берген тегін қызметтерді алу кезінде заңдылықтың сақталуына талдау жүргізді.
Енгізілген прокурорлық қадағалау актісімен көрсетілген кемшіліктер жойылып, кінәлі тұлғалар тәртіптік жауапкершілікке тартылып, мүмкіндігі шектеулі адамның конституциялық құқықтары қорғалды. Атап айтқанда, қазір мүмкіндігі шектеулі жандардың мүгедектерге арналған оңалту орталығына баруға, санаторий-курорттық ем алуға, сондай-ақ жеке көмекшінің әлеуметтік қызметтеріне басқа да мемлекет кепілдік берген тегін қызметтерге мүмкіндігі бар, - деп хабарлады Маңғыстау облысының прокуратурасы.