Көлікті сату туралы жалған хабарландырулар жариялаған Көкшетау тұрғыны ұсталды
Полицейлер көлікті сату туралы жалған хабарландырулар жариялаған Көкшетаудың 27 жастағы тұрғынын ұстады, деп хабарлайды Arbat.media Ішкі істер министрлігіне сілтеме жасап.
Осы жылдың басынан бастап Көкшетау полициясына автокөліктерді сату туралы жалған хабарландырулар орналастырған интернет-алаяқтардың әрекетінен зардап шеккен азаматтардан бірнеше өтініш келіп түсті.
Ұстау кезінде жедел қызметкерлер заттай дәлел ретінде ұялы телефондар мен 60 SIM картаны тауып алып, тәркіледі.
Алматының 33 жастағы тұрғынының айтуынша, ол Hyundai Tucson автокөлігін сатып алмақ болып хабарландыру авторымен байланысып, сатып алу – сату мәмілесі туралы келіскеннен кейін иесі хабарландыруды сайттан алып тастау үшін алдын ала төлем жасауды өтінген. Келіншек көрсетілген шотқа 50 мың теңге аударған соң көлік иесі байланысқа шығуды тоқтатқан.
Осыған ұқсас өтініштер Алматы облысы мен Қарағанды қаласының тұрғындарынан да келіп түскен.