Іздеуде жүрген ресейлік Алматыда ұсталды

Ресейде қылмыс жасағаны үшін іздеуде жүрген 31 жастағы еркек Алматыда ұсталды, - деп хабарлайды Arbat.media.

Алматы полициясының қызметкерлері РФ Самара облысының полицейлерімен іздеуде жүрген 1992 жылы туған қылмысқа қатысы бар ер адамды ұстады.

ҚР аумағында болу ережелерін бұзғаны үшін 209 шетелдік жауапкершілікке тартылса, шетелдіктердің ҚР аумағында болуының заңдылығын қамтамасыз ету шараларын қолданбағаны үшін 122 қабылдаушы заңды және жеке тұлғаға айыппұл салынды.

Жеке басын куәландыратын құжаты жоқ 206 шетел азаматы ПД-ның қабылдап-таратуына орналастырылды. 34 шетелдік сот шешімімен Қазақстаннан шығарылды, - деді Алматы қалалық ПД көші-қон қызметі басқармасының бастығы Асхат Бутунчинов.