Футбол ойнап жүргенде мас еркек ұрған баланың миы шайқалып ауруханаға түсті

11 сентября 2023 г. 16:43 / Новости Казахстана

Рудныйда мас еркек футбол ойнап жүрген балаларды соққыға жықты: бір бала ауруханада жатыр, - деп хабарлайды Arbat.media.

Оқиға кеше Рудный қаласындағы Ленин көшесі, 177-үй мекенжайы маңында болған деп жазады "Наша газета".

12-13 жастағы жасөспірімдер футбол ойнап жүрген, сол кезде спорт алаңына мас ер адам кіріп, доп тебе бастаған.

Олар кеткісі келген, бірақ ер адам балалардың бірін қуып жетіп, басынан тіземен теуіп, жұдырықпен ұрған. Миы шайқалған бала ауруханаға жатқызылды, қазір дәрігерлердің бақылауында, - деп хабарлады жасөспірімдердің ата-анасы.

Қостанай облысы полиция департаментінің баспасөз қызметі оқиғаның мән-жайы анықталып жатқанын мәлім етті.